Армянская Царква заклікае вернікаў памятаць аб сваёй рэлігійнай і культурнай ідэнтычнасці
Удзельнікі Сінода
Армянскай Апостальскай Царквы, які праходзіў у Рыме 6-13 сакавіка, апублікавалі спецыяльны
выніковы дакумент, у якім выказалі асаблівую падзякую папе Бэнэдыкту ХVI за тое,
што падчас свайго Апостальскага падарожжа ў Ліван, Пантыфік выказаў жаданне наведаць
санктуарый Маці Божай ў Бзамары, мястэчку ў якім знаходзіцца сядзіба Армянскага Патрыярхата
ў Ліване. Акрамя таго, удзельнікі Сінода выказалі таксама сваю заклапочанасць цяжккай
сітуацыяй хрысціян на Блізкім Усходзе. Яны заклікалі хрысціян не губляць надзеі і
заставацца верным сваім рэлігійным і культурным караням. “Падчас працы Сінадальнай
асамблеі былі абмеркаваны шматлікія праблемы і пытанні, якія тычацца жыцця Армянскай
Апостальскай Царквы ў пастырскім, літургічным і адукацыйным аспектах і былі прыняты
рашэнні аб рэарганізацыі епархій і парафій, а таксама ўмацаванні клімату гарманічнага
супрацоўніцтва паміж духавенствам і Каталіцкім Армянскім Патрыярхатам.
У сустрэчы
прымалі ўдзел армянскія іерархі з Лівана, Францыі, Арменіі, Егіпета, Турцыі, Ірана,
Грэцыі і ЗША.