Старшыня Папскай рады
па культуры, кардынал Джанфранко Равазі адзначыў, што Дантэ Аліг’еры быў глыбока веруючым
чалавекам, які цікавіўся тэалогай. Іерарх расказаў, што з нагоды 700-годдзя з дня
смерці вялікага паэта, якое будзе адзначацца ў 2021 г., па інцыятыве Папскай рады
па культуры быў створны навукова-арганізацыйны камітэта па яго святкаванні. Яго ўзначаліў
сам кардынал Равазі, які нядаў быў таксама прызначаны кіраўніком культурнага цэнтра
“Дом Дантэ” у Рыме.
У інтэрв’ю нашаму радыё кардынал Равазі расказаў аб ініцыятывах,
якія запланаваны з нагоды юбілея смерці паэта. “Мы маем 8-9 гадоў, каб добра засяродзіцца
на падрыхтоўчых мерапрыемствах і годнага адсвяткаваць юбілей”, - сказаў іерарх. Ён
адзначыў, што будзе арганізавана серыя выставаў, на якіх будуць прадстаўлены творы
вядомых мастакоў, скульптараў і фатографаў прысвечаныя Дантэ.
Кардынал Равазі
звярнуў увагу на неабходнасць звяртання большай увагі на творчаць Дантэ ў сферы адукацыі.
“У школах творчасць Дантэ не вывучаецца так глыбока і аб’ектыўна, як ён гэтага залугоўвае.
Мы павінны звярнуць ўвагу на добрую падрыхтоўку настаўнікаў у гэтай сферы, а таксама
зацікавіць саміх вучняў і шырокае кола грамадзян постацю Дантэ”, - сказаў іерарх.
Гаворачы
аб значэнні творчасці паэта кардынал Равазі нагадаў таксама, што ў 1921 г. папа Бэнэдыкт
XV нават прысвяціў Дантэ Аліг’еры адну з сваіх энцыклік. Кардынал адзначыў, што Касцёл
будзе імкнуцца прадставіць Дантэ не толькі з культурнага пункту гледжання, але таксама
тэалагічнага.