Архіепіскап Уільямс: мы шмат працуем дзеля аднаўлення адзінства паміж хрысціянамі
11 сакавіка кіраўнік
Англіканскай Царквы архіепіскап Кентэрберыйскі Роўэн Уільмс расказаў, што падчас учарашняй
аўдыенцыі ў Святона Айца яны абмеркавалі сітуацыю на Блізкім Усходзе, будучы Сінод
аб Новай евангелізацыі, а таксама неабходнасць устанаўлення сувязі паміж тэалогіяй
і правамі чалавека. “Як заўсёды мы размаўлялі аб многіх пытаннях”, - сказаў іерарх.
Гаворачы аб важнасці адзінства паміж Англіканскай Царквой і Касцёлам архіепіскап,
звярнуў увагу на неабходнасць вяртання да першапачатковага адзінства, якое існавала
паміж хрысціянамі. “Мы сцвярджаем, што маем супольнае паходжанне, і яно дае нам шмат
для па-сапраўднаму блізкіх адносін. Сапраўды, сёння мы шмат працуем, каб гэта адзінства
стала поўным, сакраментальным і бачным, тады, калі Бог гэтага захоча”, - сказаў Роўэн
Уільямс.
Узгадваючы аб місіянерах, якіх адправіў на тэрыторыю сучаснай Вялікабрытаніі
папа Грыгорый Вялікі, архіепіскап Уільямс, адзначыў, што манаства вельмі важна, як
для місіянерскай дзейнасці, так і экуменічнай, бо супольнасці законнікаў збіраюцца
вакол Божага Слова. Ён адзначыў, што сёння, падчас візіта ў абацтва Монтэ-Касіна будзе
казаць аб місійным характары манаскага жыцця. “Гэта не значыць, што ўсе манахі павінны
быць місіянерамі, але яны павінны прывабліваць людзей сваёй беднасцю, прастатой і
гасціннасцю, якую прапануюць”, - сказаў англіканскі іерарх.