Бэнэдыкт XVI сустрэўся з кіраўніком Англіканскай Царквы
10 сакавіка Бэнэдыкт
XVI сустрэўся з архіепіскапам Кентэрберыйскім Роўэнам Уільямсам, які прыбыў у Рым
з нагоды ўспаміну св. Грыгорыя Вялікага. Менавіта гэты святы, яшчэ да таго, скіраваў
на тэрыторыю сучаснай Вялікабрытаніі групу манахаў, якія прынеслі англічанам Евангелле
і заснавалі Кентэрберыйскую біскупскую кафедру. Сёння таксама адбудзецца супольная
экуменічная малітва нешпараў. Яна пройдзе у касцёле св. Грыгорыя на рымскім пагорку
Цэлій. Гэта будзе трэцяя сумесная малітва Рымскага Пантыфіка і архіепіскапа Кентэрберыйскага
ў гэтым касцёле. Папярэднія малітвы адбываліся ў верасні 1989 г., калі Ян Павел ІІ
сустракаўся з былым кіраўніком Англіканскай Царквы архіепіскапам Робертам Рансі, і
ў снежні 1996, падчас візіта ў Рым архіепіскапа Джорджа Кэррі.
Акрамя таго,
у праграму візіта Роўэна Уільямса ўваходзіць удзел ў літургіі ў англіканскім касцёле
св. Паўла ў цэнтры Рыма, канферэнцыі “Манаства і экуменізм”, а таксама наведванне
старажытнага абацтва Монтэ-Касіно, дзе іерарх прыме ўдзел у малітве нешпараў і прамовіць
даклад на тэму “Законнікі і місія бачныя з Англіі”.