2012-03-09 16:10:54

அரசியலில் பெண்களின் பங்கேற்பு: 105வது இடத்தில் இந்தியா


மார்ச்09,2012. ஆப்ரிக்காவில் உள்ள ஏழை நாடுகளைவிட இந்திய அரசியலில் பெண்களின் பங்கேற்பு மிகக் குறைவு' என ஆய்வுகள் தெரிவிக்கின்றன.
உலகில் ஜனநாயகத்தை மேம்படுத்தும் இயக்கமான, "இன்டர் பார்லிமென்ட் யூனியன்' வெளியிட்டுள்ள ஓர் ஆய்வறிக்கையில், உலகின் மிகப்பெரிய ஜனநாயக நாடான இந்தியாவின் 543 இடங்கள் கொண்ட லோக்சபாவில் 60 பேர், இன்னும், 240 உறுப்பினர்கள் கொண்ட ராஜ்யசபாவில் 24 பேர் மட்டுமே பெண்கள் எனக் கூறப்பட்டுள்ளது.
அரசியலில் பெண்களின் பங்கேற்பு குறித்த பட்டியலில், இந்தியா 105வது இடத்தில் உள்ளது. அண்டை நாடான வங்கதேசம் இப்பட்டியலில் 65வது இடத்தை வகிக்கிறது. ஆப்ரிக்காவின் ஏழை நாடான ருவாண்டாவில் மக்களவையில் 56 விழுக்காட்டுப் பெண்கள் கீழ்சபையிலும், 38 விழுக்காட்டுப் பெண்கள் மேல்சபையிலும் இடம் பெற்றுள்ளனர். டான்சானியாவில் 36 விழுக்காட்டுப் பெண்கள் மக்களவையில் இடம் பெற்றுள்ளனர் எனவும் அவ்வறிக்கை கூறுகிறது.







All the contents on this site are copyrighted ©.