Японія: месца мучаніцкай смерці св. Паўла Мікі стане санктуарыем
8 сакавіка Біскупская
Канферэнцыя Японіі прыняла рашэнне надаць месцу гібелі св. Паўла Мікі і яго паплечнікаў,
статус нацыянальнага санктуарыя. Зараз на гэтым месцы, у ваколіцах Нагасакі, знаходзіцца
мемарыял Нішызака. Іезуіт Павел Мікі і 25 яго памочнікаў былі ўкрыжаваны на гэтым
месцы ў 1597 г. па загадзе Таётомі Хідэёсі, японскага ваеннага і палітычнага дзеяча,
будучага аб’яднальніка Японіі. Перад смерцю 26 мучанікаў былі прымушаны прайсці пешшу
доўгі шлях з Кіота ў Нагасакі. 6 з іх было францішканамі, тры належалі да іезуіцкага
ордэна, а астатнія былі свецкімі асобамі. Стварэнне нацыянальнага санктуарыя супадае
са 150-годдзем кананізацыі гэтых мучанікаў, якая адбылася ў 1862 г.
Японскія
біскупы вырашылі таксама стварыць пілігрымковы маршрут, які спалучыць Кіота, Осаку,
Хірасіму, Фукуоку і Нагасакі. Менавіта гэтым шляхам прайшлі перад смерцю св. Павел
Мікі і паплечнікі.