Супрацоўнік Ватыканскай абсерваторыі: навука дапамагае лепш узнаць Бога
Амерыканскі астраном
і супрацоўнік Ватыканскай астранамічнай абсерваторыі брат Гай Консальманга адзначыў,
што вывучэнне Сусвету з дапамогай навукі дапамагло яму лепш зразумець Хрыста. Выступаючы
на міжнароднай канферэнцыі, якая праходзіла ў Дэнверы іезуіт расказаў, што сёння часта
падкрэсліваецца супрацьлегласць паміж рэлігіяй і навукай, аднак, на яго думку, навука,
з’яўляецца адным з самых лепшых спосабаў знаёмства з Богам. Брат Консальманга з’яўляецца
куратарам калекцыі метэарытаў Ватыканскай астранамічнай абсерваторыі. Адначасова ён
займацца навуковымі даследваннямі. Сфера яго інтэрэсаў: сувязь паміж метэарытамі
і астэройдамі, а таксама эвалюцыя малых цел сонечнай сістэмы. Гэтай тэме ён прысвяціў
каля 40 сваіх апублікаваных навуковых прац.
Ватыканскі астраном адзначыў, што
сучасныя атэісты імкнуцца замяніць прабелы ў разуменні Сусвету “нябачнымі сіламі”,
пад якімі яны і разумеюць Бога. На яго думку, выкарыстанне Бога проста для запаўнення
таго, аб чым невядома, з’яўляецца тэалагічнай здрадай. “Часта Богу адводзіцца месца
нейкай сілы ў Сусвеце, у той час як Ён з’яўляецца крыніцай любога стварэння”, - падкрэсліў
іезуіт і дадаў, што тыя, хто верыць у Бога не павінна баяцца навукі, але бачыць у
ёй магчымасць лепш з Ім пазнаёміцца. Ён адзаначыў, што існуюць рэчы, якія немагчыма
пазнаць толькі з дапамогай фізіцы і логігі, такія як прыгажосць, разум і любоў.