Benedikti XVI konfirmon kardinalin Bagnasco president të Konferencës Ipeshkvnore Italiane
edhe për një mandat të ri
Papa Benedikti XVI ka konfirmuar president të Konferencës ipeshkvnore katolike italiane
(CEI), për mandatin e ardhshëm pesëvjeçar, kardinalin Angelo Bagnasco, kryeipeshkëv
i Gjenovës. Kardinali qe emëruar president i CEI-it më 7 mars të vitit 2007 e krijuar
kardinal në Konçistorin e 24 tetorit 2007. Nga 30 shtatori 2011, kard. Bagnasco është
zëvendëspresident i Këshillit të Konferencave ipeshkvnore evropiane (Ccee) për pesëvjeçarin
2011-2016. Ndër detyrat aktuale që ka siguron si: president i Këshillit për çështjet
ekonomike të Cei, president i Konferencës ipeshkvnore të Liguries, anëtar i Kongregatës
së Vatikanit për Kisha lindore, anëtar i Kongregatës së Vatikanit për kultin hyjnor
e disiplinën e sakramenteve, anëtar i Kongregatës së Vatikanit për ipeshkvij. Po
kujtojmë se kard. Bagnasco ka vizituar disa herë Shqipërinë dhe njeh nga afër realitetin
e shoqërisë e të Kishës shqiptare, për çka edhe ka ndihmuar në shumë projekte shoqërore,
shëndetësore, arsimore e të kultit.