4 сакавіка па ініцыятыве
Еўрапейскага аб’яднання на карысць свабоднай нядзелі: пагаднення прафсаюзаў, грамадскіх
і рэлігійных арганізацый Старога Кантынента, адзначаецца Еўрапейскі дзень на карысць
свабоднай нядзелі. Ініцыятыву падтрымаў таксама Каталіцкі Касцёл. “Падчас фінансавага
і эканамічнага крызісу, калі ўсё больш і больш правоў працоўных знаходзяцца пад ціскам,
свабодная ад працы нядзеля з’яўляецца бачным знакам таго, што паадзінокія асобы і
цэлыя грамадствы не ёсць залежнымі выключна ад працы і эканомікі”, - чытаем у звароце
аўтараў ініцыятывы. Яны заклікалі да розных формаў святкавання нядзелі, у тым ліку
да культурных і грамадскіх мерапрыемстваў.
Касцельныя арганізацыі падкрэсліваюць
рэлігійнае вымярэнне Дня Пана. Камісія Справядлівасці і міру пры Біскупскай Канферэнцыі
Харватыі заклікала хрысціян краіны, каб яны устрымаліся ад пакупак у нядзелі. “Вернікі,
такім чынам, будуць паважаюць тых, хто прымушаны працаваць у гэты дзень, будучы далёка
ад сваёй сям’і”, - напісалі іерархі. Біскупы адзначылі, што праца ў нядзелі з’яўляецца
адной з формаў крывадушнасці і абыякавасці адносна гэтых асоб. Епіскапат Харватыі
нагадваў, што чалавек з’яўляецца не толькі вытворцам і спажыўцом тавараў і паслуг.
Ён таксама з’яўляецца духоўнай істотай, якая мае патрэбы ў міжчалавечых адносінах,
у тым ліку і сямейных. “Нават у часы камуністычнага рэжыму нядзеля была свабодным
днём ад працы, тым больш ва ўмовах дэмакратыі, нядзеля павінны быць у павазе, асабліва
ў краіне, у якой 90% яе жыхароў прызнаюць сябе хрысціянамі”, - напісалі харвацкія
біскупы.