Եւրոպական Միութիւնը Սուրիոյ Ազգային Խորհուրդը Ճանչցած Է Իբրեւ Սուրիացիներուն «Օրինական
Ներկայացուցիչ»:
Եւրոպական Միութեան 27 երկիրները, աւարտելով Պրիւքսէլի մէջ երկօրեայ գագաթաժողովը, Սուրիոյ
ազգային խորհուրդը յայտարարած են սուրիացիներու «օրինական ներկայացուցիչ»ը: «Եւրոպական
Միութիւնը կ'աջակցի սուրիական ընդդիմութեան՝ անոր ազատութեան համար պայքարին, արժանապատուութեան,
ժողովրդավարութեան եւ կոչ կ'ընէ ընդդիմութեան բոլոր անդամներուն միաւորուելու նոր Սուրիոյ
համար, ուր բոլոր քաղաքացիները օժտուած կ'ըլլան հաւասար իրաւունքներով», ( ըսուած է գագաթաժողովի
վերջնական փաստաթուղթին մէջ): Գագաթաժողովի մասնակիցները Սուրիոյ նախագահ Պաշշար Ալ
Ասսատին կոչ ըրած են հրաժարական տալու` որպէսզի հարթուի երկրին մէջ ժողովրդավարութեան
ստեղծման ճանապարհը : Բացի այդ, ԵՄ առաջնորդները սուրիական իշխանութեան կոչ ըրած են
ապահովելու նաեւ օտարերկրացի քաղաքացիներուն, որոնց կարգին լրագրողներուն անվտանգութիւնը,
ինչպէս նաեւ չխոչընդոտել անկախ մարդասիրական գործակալութիւններուն մուտքը Սուրիա:
Մինչ այդ երէկ ֆրանսա վերադարձան ֆրանսացի երկու լրագրողներ՝ Էտիթ Պուվիէ եւ Վիլիամ Տանիէլս։