Страсбург: біскупы і палітыкі разам памоляцца за Еўропу
Рада Біскупскіх Канферэнцый
Еўропы ў супрацоўніцтве з пастаяннай місіяй Апостальскай Сталіцы пры Савеце Еўропы
арганізуе сустрэчу старшыняў епіскапатаў краін паўднёвага ўсходу Старога кантыненту.
Мерапрыемства пройдзе 5-8 сакавіка ў Старсбургу. У ім прымуць удзел іерархі з Албаніі,
Балгарыі, Босніі і Герцагавіны, Кіпра, Грэцыі, Малдавіі, Румыніі, Турцыі, а таксама
Міжнароднай Біскупскай Канферэнцыі імя св. Кірыла і св. Мятода, якая аб’ядноўвае біскупаў
Сербіі, Чарнагорыі, Косава і Македоніі. Іерархі сустрэнуцца з членамі Савета Еўропы,
і разам з імі абмяркуюць шырокі спектр актуальных пытанняў. У прыватнасці тэму рэлігійнай
свабоды, праблемы звязаныя з прысутнасцю хрысціянскіх сімвалаў у грамадскай сферы,
пытанні дыскрымінацыі на рэлігійнай глебе, правоў меншасцяў і рэлігійнага вымярэння
міжкультурнага дыялогу. Акрамя таго біскупы і палітыкі паразважаюць над праблемамі
сям’і, правоў дзяцей, адказнасці бацькоў, праблемах у галіне біяэтыкі і абароны жыцця.
7
сакавіка у Старсбургскім катэдральным касцёле біскупы узначаляць св. Імшу падчас якой
будуць маліцца за Еўропу. У ёй прымуць удзел таксама супрацоўнікі Савета Еўропы і
розных еўрапейскіх інстытутаў: еўрадэпутаты, паслы, судзі, а таксама супрацоўнікі
касцёльных устаноў, якія супрацоўніцаюць з імі.