Каталіцкія біскупы
Нігерыі апублікавалі пасланне да вернікаў краіны, у якім звярнулі увагу на шматлікія
грамадскія праблемы і выступілі з моцнай крытыкай урада. “Многія праблем якія перажывае
Нігерыя з’яўляюцца вынікам няздольнасці ўладаў кіраваць дзяржавай”, - адзначаюць іерархі.
Біскупы звярнулі асаблівую увагу на пытанне бяспекі, асабліва пасля выпадкаў насілля
і замахаў, учыненых групоўкай “Бока Харам”. “Улады, якія не ў стане гарантаваць бяспечнае
жыццё для грамадзян і іх маёмасці, няздольныя выконваць свае абавязкі. У мінулым мы
ўжо асудзілі недахопы дзяржаўных органаў, адказных за бяспеку грамадзян. Гэтыя недахопы
спрыяюць дзейнасці экстрэміскіх груповак, якія парушаюць супакой ў краіне”, - напісалі
іерархі.
Біскупы падкрэсліваюць, што нерашучасць з боку ўладаў Нігерыі спрыяе
ксенафобіі, якая шырока распаўсюджваецца. “Толькі добрае выхаванне грамадзян можа
паспрыяць таму, што яны змогуць унесці ўклад у стварэнне і падтрымку палітычнага,
эканамічнага і грамадскага парадку”, - напісалі нігерыйскія біскупы.