Партугальцы вырашылі пакуль не скасоўваць 2 рэлігійныя святы
Сакратар біскупскай
канферэнцыі Партугаліі кс.Мануэль Марухао паведаміў, што сёлета два рэлігійныя святы,
нягледзячы на эканамічны крызіс, могуць быць захаваныя. Нядаўна ўрад і парламент Партугаліі
вырашылі зрабіць чатыры святочныя дні працоўнымі, сіметрычна – два свецкіх і два рэлігійных.
Прынята ўжо рашэнне , што Дзень Рэспублікі і Дзень Незалежнасці з гэтага года стануць
працоўнымі. Што тычыцца рэлігійных святаў –Corpus Domini (Цела Хрыста) 7 чэрвеня
і Унебаўзяцця Марыі 15 жніўня – пакуль рашэнне не прынята. Міністр эканомікі і занятасці
краіны Альваро Сантос Перэйра заявіў, што хуткасць тут не можа быць вырашальнай, бо
неабходна лічыцца з традыцыямі і пачуццямі партугальскага народа, трымаючы на ўвазе,
што рэлігійныя святы “вельмі спалучаны з жыццём людзей і з’яўляюцца элементамі іх
культуры”.
Старшыня нацыянальнай біскупскай канферэнцыі, патрыярх Лісабона
кардынал Жозэ Да Круз Палікарпу некаторы час таму сказаў адносна магчымасці скасавання
каталіцкіх святаў, што ў Канкардаце Партугаліі і Святога Пасада у тэксце, зацверджаным
у 1984 г., гаворыцца толькі пра нядзелі, якія дзяржава прызнае непрацоўнымі; што ж
тычыцца грамадзянскага прызнання іншых каталіцкіх святаў – гэта кампетэнцыя цывільных
ўладаў.