2012՝ Հաւատքի Տարին Քահանապետէն Ընտրուած՝ Պատասխանելու Ներկայ Ապարդիւն Աւետարանութեան։
Հոկտեմբեր 2012ին՝ սկիզբ կ'առնէ հաւատքի տարին ընտրուած Պենետիկտոս ԺԶ Քահանայապետէն
վերջ դնելու ներկայ աւետարանութեան որ անպտուղ է. այսպէս յայտնած է եպիսկոպոսներու ընդհանուր
սիւնոդոսի քարտուղարութիւնը, որ ներկայիս Հռոմ իր խորհրդաժողովը գումարած է ի պատրաստութիւն
եպիսկոպոսներու ընդհանուր սիւնոդոսին որ տեղի պիտի ունենայ 7-28 հոկտեմբեր 2012ին։ Ժողովականները
բանակցեցան հաւատքի տագնապին ու աւետարանութեան քարոզութեան մասին։ Խօսելով աւետարանութեան
՜՜անպտղութեան՝՝ մասին, մասնակցող հայրերը դիտել տուած են որ անիկա արդիւնքն է ներկայ
մշակոյթի ազդեցութեան որ արգելք կը հանդիսանայ հաւատքի փոխանցումին ու ծաւալումին եւ
միաժամանակ մարտահրաւէր մըն է քրիստոնեաներուն ու Եկեղեցւոյ։ Ժողովականները ընդգծած են
որ հաւատքի տարին, քահանայապետէն որոշուած՝ որ սկիզբ կ'առնէ 11 հոկտեմբեր 2012-ին եւ
կը տեւէ մինչեւ 24 նոյեմբեր 2013, պիտի հանդիսանայ բարեբեր առիթ մը խորացնելու Տիրոջմէն
ընդունուած, հաւատքի շնորհքը, զայն ապրելու եւ խորացնելու համար։ Հաւատքի փոխանցումի
առաջին վայրն է ընտանիքը, ուր հաւատքը կը հաղորդուի երիտասարդներուն։ Ընտանիքի անփոխառինելի
դերը կը շարունակուի կրօնուսուցումով, եկեղեցական հաստատութիւններէն ներս, ծիսական արարողութիւններու
մասնակցելով, ինչպէս նաեւ ժողովրդապետական առաքելութիւններու, եկեղեցական եղբայրութիւններու
ու ժողովրդական բարեպաշտութիւններու միջոցաւ։