Канферэнцыя Рабінаў
Еўропы асудзіла з’яўленне абразлівых надпісаў на хрысціянскіх святынях, кляштарах
і могілках у Ізраілі. Старшыня арганізацыі рабін Пінхас Голдшмідт адзначыў, што вандалізм
такога роду з’яўляецца таксама “антыяўрэйскім”. “Гэтыя надпісы не адпавядаюць духу
і зместу Торы”, - сказаў рабін. Ён заклікаў улады Ізраіля, старанна правесці раследванне
гэтых антыхрысціянскіх інцыдэнтаў і прыцягнуць іх арганізатараў да адказнасці. “У
мінулым Ізраіль заўсёды садзейнічаў абароне рэлігійных правоў прадстаўнікоў усіх веравызнанняў.
Мы павінны гарантаваць тое, каб рэлігійныя традыцыі грамадзян розных веравызанняў,
а таксама турыстаў, якія наведаваюць нашу краіну былі паважаныя”, - сказаў рабін
Голдшмідт.
Акрамя таго Прэзідэнт Ізраіля Шымон Перэс, у размове з журналістамі
нямецкага каталіцкага інфармацыйнага агенцтва “KNA” запэўніў, што будзе патрабаваць
паскарэння расследавання гэтых антыхрысціянскіх правакацый. “Такія выпадкі трэба разглядаць
вельмі сур’ёзна”, - сказаў Прэзідэнт. Некалькі дзён таму з просьбай аб раследванні
правакацый скіраваных супраць хрысціянскай меншасці ў Ізраілі да Шымона Перэса звярнуўся
кусташ Святой Зямлі а. Пьербаціста Піццабалла.