Французская законніца ўзнагароджана медалём “Праведнік народаў свету”
Французская каталіцкая
законніца Мары-Эмільен Германт’ер была ўзнагароджана медалём “Праведнік народаў свету”.
Цырымонія ўручэння ўзнагароды прайшла 28 лютага 2012 г ў Інстытуце Мучанікаў і Герояў
Халакоста “Яд Вашэм” у Іерусаліме. Узнагароду за ратаванне яўрэяў падчас нацысцкай
акупацыі Францыі ў гады ІІ Сусветнай вайны пасмяротна атрымаў таксама французскі каталіцкі
святар кс. Жозэ Копэр, які памёр у 1994 г. Разам з законніцай Мары-Эмільен Германт’ер
на цырымонію ў “Яд Вашэм” прыбыў стрыечны брат памерлага ксяндза і адна ўратаваная
яўрэйка.
Настаяцельніца кляштара у горадзе Мендзі, сумесна з кс. Жозэ Коперам
і законніцай Мары-Эмільен Германт’ер падчас нямецкай акупацыі Францыі захоўвалі яўрэйскіх
дзяўчынак у дзіцячым доме, які быў уласнасцю кляштару, ратуючы іх такім чынам ад дэпартацыі
ў канцэнтрацыйныя лагеры.