У Рыме распачаўся беатыфікацыйны працэс папы Бэнэдыкта XIII
Папскі вікарый для
Рымскай дыяцэзіі кардынал Агосціно Валіні паведаміў аб распачацці беатыфікацыйнага
і кананізацыйнага працэсаў папы Бэнэдыкта XIII (1649-1730), дамініканіна, які 29 мая
1724 г. быў абраны на Пасад св. Пятра. 245 Папа ў гісторыі Касцёла нарадзіўся 2 лютага
1649 г. як Пьетро Франчэско Орсіні ў Гравіна ін Пулья ў архідыяцэзіі Бары, у арыстакратычнай
сям’і. У 1668 г. супраць волі бацькі ён уступіў у Ордэн Дамініканаў. У 1672 г. быў
прызначаны кардыналам. Ён быў арцыбіскупам Манфрэдоніі, а затым Бэнэвэнто. Яго прыярытэтам
было душпастырства.
Пасля свайго абрання на Пасад св. Пятра з папскага двара
перасяліўся ў збудаваную адмыслова для яго простую манаскую келлю. Выступаў супраць
раскошы кардыналаў і свецкасці духавенства.
Бэнэдыкт XIII памёр 21 лютага 1730
г. у Рыме. Яго цела спачывае ў дамініканскай базыліцы Санта Марыя над Мінервай, недалёка
ад Пантэону.