Թուրքիոյ Մէջ Յայտնաբերուած է 1500 Տարուան Աստուածաշունչ Մը։
Անգարայի արդարադատութեան պալատին մէջ յայտնուած է արամերէն լեզուով եւ ասորական տառերով
գրուած 1500 տարուան արժէքաւոր Աստուածաշունչ մը: Ոստիկանութիւնը ութը տարի է կը փնտռէր
այս Աստուածաշունչը, որ կը գնահատուի մօտ 40 միլիոն թրքական լիրա: Աստուածաշունչը կարեւոր
է նաեւ արամերէն եւ ասորերէն լեզուներու ուսումնասիրման տեսանկիւնէն: Աստուածաշունչը
արդեն տեղափոխուած է Անգարայի Ազգագրութեան Թանգարան: