Апостальская Сталіца збірае канферэнцыю па барацьбе з бясплоднасцю
24 лютага ў Рыме адбудзецца
сустрэча сусветна вядомых навукоўцаў у галіне медыцыны, якія абмяркуюць праблему бясплоднасці,
сапраўднай драмы ад якой пакутуюць каля 15% насельніцтва планеты. Арганізатарам форума
з’яўляецца Папская Акадэмія жыцця. У цэнтры ўвагі ўдзельнікаў сустрэчы будуць спосабы
барацьбы з бясплоднасцю, якія адпавядаюць этычнаму навучанню Касцёла. “Навуковыя адкрыцці
на працягу апошніх гадоў зрабілі значны крок наперад і ў выніку даюць надзею для многіх
бясплодных пар”, - патлумачыў дырэктар Акадэміі жыцця іспанскі біскуп Ігнасіо Караско
дэ Паоло, эксперт у галіне біяэтыкі, які да прыняцця святарскага пасвячэння працаваў
хірургам. Іерарх адзначыў, што ў бедных краінах колькасць бясплодных пар дасягае нават
30% насельніцтва, таму абмен вопытам паміж навукоўцамі і медыкамі мае тэрміновую важнасць.
Падчас прац будуць прадстаўлены вынікі апошніх даследаванняў, зробленых 16 навукоўцамі,
якія займаюцца вывучэннем гарманальных, медыцынскіх і анатамічных прычын жаночай і
мужчынскай бясплоднасці.
Біскуп дэ Паоло расказаў, што падобная ініцыятыва
– першая для ўстаноў Апостальскай Сталіцы, і Папа адразу даў згоду на яе правядзенне.
“Тэмай форума не з’яўляецца абмеркаванне этычнасці штучнага апладнення. Тэма нашай
сустрэчы строга навуковая. Гаворка ідзе аб пошуку і адкрыцці эфектыўных і мала вядомых
магчымасцяў”, - адзначыў іерарх.