Atë Luigj Paliqi ofm, në përvjetorin e martirizimit për Fe e Atdhe
Atë Luigj Paliqi lindi më 21 shkurt 1879 në Janjevë afër Prishtinës (Kosovë), në dioqezën
Shkup- Prizren. Pas shkollës fillore në vendlindje, u transferua në Shqipëri ku hyri
në familjen rregulltare të Françeskanëve, në Kuvendin e Troshanit (Lezhë). Këtu bëri
formimin për rregulltar dhe noviciatin. Vazhdoi studimet filozofike në Itali gjatë
viteve 1896 – 1901. Me kushtet e përjetshme të jetës rregulltare ndër françeskanë,
sipas traditës rregulltare të kohës, ndërroi emrin e pagëzimit nga Mati në atë të
jetës rregulltare, Luigj, i frymëzuar nga jeta e Shën Luigjit Gonzaga. Atë Luigji
Paliqi u shugurua meshtar më 21.09.1901. Pas shugurimit meshtarak u ndal në Romë edhe
për dy vite të tjera për studimi pas-universitare. Misionin e tij meshtarak e rregulltar
e filloi në Kosovë në famullinë e Pejës, të fshatit Gllogjan, e më vonë edhe në shenjtëroren
e shëna Ndout në Gjakovë. Nga viti 1905-1907 qe famullitar në kryedioqezën e Shkodrës. Nga
viti1907-1912 qe emëruar rektor i shenjtërores së shëna Ndout të Gjakovës (Kosovë).
U martirizua më 7 mars 1913në fshatin Janosh afër Gjakovës, për faktin se nuk pranoi
të bëhej prift ortodoks, ku përkohësisht edhe u varros. Trupi i tij më vonë u transferua
në varrezat e Shën Gjergjit, në famullinë kishtare të Zymit të Prizrenit. Ky françeskan
i jashtëzakonshëm jetoi duke dëshmuar, jetuar e mbrojtur fenë në Zotin, idealet dhe
të vërtetën për fe e atdhe.