2012-02-20 13:57:01

Պերլինի Կինոյի Միջազգային Փառատօնի Գլխաւոր Մրցանակին այն է ՝՝Ոսկիէ Արջ՝՝Մրցանակին կը Տիրապետեն Իտալացի Ծանօթ Կինոհաններ Բաօլօ եւ Վիթթորիօ Թավիանի Եղբայրները՝ "Cesare deve Morire" ՝՝Սեզարը Պէտք է Մեռնի՝՝ Կինոյով ։


Պերլինի 62րդ Կինոյի Փառատոնի (Berlinale) գլխաւոր մրցանակի յաղթողներ հանդիսացան իտալացի ծանօթ Կինոհաններ Բաօլօ եւ Վիթթորիօ Թավիանի եղբայրները որոնք տիրացան Պերլինի ֆիլմի 62րդ Փառատօնի ՝՝Ոսկիէ Արջ՝՝ մրցանակին։

Մենք անոնք մօտեն կը ճանչնանք անոր համար որ Հայ Ազգի Ցեղասպանութիւնը նիւթ ընող ՝՝Արտոյտներու Ագարակը՝՝ ՝՝La Masseria delle Allodole՝՝ վերնագրով իտալահայ գրագիտուհի Անթոնիա Ասլանի այս գիրքը ֆիլմի վերածող բեմադիրներն են, որը մեծ հետաքրքրութիւն առթած էր իտալացի հանդիսատեսներու մօտ,անգամ մը եւս միջազգային բեմահարթակի վրայ դնելով Հայոց պատմութիւնը։

Ըսենք որ Բաօլօ եւ Վիթթորիօ Թավիանի եղբայրները երկրորդ անգամ ըլլալով առաջին կը հանդիսանան Պերլինի ֆիլնի Փառատոնին,արդարեւ 1982ին իրենց ՝՝Սուրբ Լավրենտիոսի Գիշերը՝՝ այն է ՝՝La notte di San Lorenzo՝՝ շարժանկարով ստացած էին Ոսկիէ Արջ մրցանակը։
Կինոյի Իտալացի Վարպետներէն Բաոլօ Թավիանի ծնած է 1931ին,իսկ մեծ եղբայրը Վիթթորիօ 1929ին Իտալիոյ Թոսքանա մարզի Սան Մինիաթօ անուան սիրուն աւանը որու քաղաքապետը Վիթթորիօ Կապպանի այս նոր յաջողութեան առթիւ շնորհաւորական հեռագիր մը յղեց Թավիանի Եղբայրներուն,միաժամանակ յայտարարելով որ մօտերս պիտի սարքուի բեմադիր եղբայրներուն նուիրուած Ցուցահանդէս մը անոնց ծննդավայրը՝ Սան Մինիաթոյի մէջ։








All the contents on this site are copyrighted ©.