Справаздача аб аб’яўленнях у Меджугор’і будзе прадстаўлена Папе да канца года
Міжнародная камісія
пры Кангрэгацыі Веравучэння, якая займаецца вывучэннем сапраўднасці аб’яўленняў у
Меджугор’і працягвае сваю працу і плануе прадставіць канчатковую справаздачу Святому
Айцу да канца 2012 г. Аб гэтым паведаміў адзін з членаў камісіі кардынал Вінко Пуліч
з Босніі і Герцагавіны. Меджугор’е знаходзіцца на тэрыторыі дыяцэзіі Мостар у паўднёва-заходняй
частцы Босніі і Герцагавіны. Аб’яўленні пачаліся ў гэтым месцы групе маладых мясцовых
жыхароў у чэрвені 1981 г. і працягваюцца да сённяшняга дня. Менавіта гэта незвычайная
працягласць аб’яўленняў і іх незакончаннасць з’яўляецца адной з галоўных прычын таго,
што Касцёл не даў яшчэ яснага адказу адносна іх сапраўднасці.
Міжнародная
камісія па вывучэнні сапраўднасці аб’яўленняў у Меджугорыі была створана пры Кангрэгацыі
Веравучэння 17 сакавіка 2010 г. Яе ўзначальвае кардынал Камілло Руіні, былы Папскі
вікарый для Рымскай дыяцэзіі.