Бэнэдыкт ХVI спрыяе
аднаўленню базылікі св. Аўгустына, якая знаходзіцца ў алжырскай Анабе, на ўсходзе
краіны, каля мяжы з Тунісам. Базыліка была пабудавана на пачатку Х ст. у арабска-маўрытанскім
і рымска-візантыйскім стылях, якія гарманічна дапаўняюць адзін аднаго. Святыня будавалася
як сімвал універсальнасці Айца Касцёла, вялікага гуманіста і чалавека дыялога, якім
быў св. Аўгустын. У яе рэстаўрацыі прымаюць удзел таксама свецкія улады Алжыра і Францыі,
розныя ўстановы, манаскія супольнасці, дыяцэзіі і шматлікія ахвярадаўцы.
Біскуп
Канстанцінскай дыяцэзіі Поль Дэсфаржэс у інтэрв’ю нашаму радыё расказаў, што нягледзячы
на тое, што адным з спонсараў рэстаўрацыйных прац з’яўляецца “Папскі фонд”, сам Бэнэдыкт
XVI пажадаў дапамагчы і даслаў свой асабісты дар.
“Мы ўсе ведаем, якім блізкім
сэрцу Папы з’яўляецца св. Аўгустын. Базыліка, названая у гонар гэтага святога – гэта
не толькі месца культа, але разам з усім Гіпонам – гэта месца-сімвал вялікай радасці,
чалавечага і духоўнага братэрства; месца якое пераўзыходзіць розніцы культур і веравызнанняў
праз постаць св. Аўгустына, разам з яго гуманізмам, верай, культурай, якія вядуць
кожнага чалавека да па-сапраўднаму важных рэчаў”, - сказаў біскуп Дэсфаржэс.
Іерарх
адзначыў, што аднаўленне базылікі гэта сімвал братэрства паміж двума берагамі Міжземнамор’я:
хрысціянскім і мусульманскім, паміж Захадам і ісламам, людзьмі, якія шукаюць глыбокага
сэнсу і праўды.