Іспанскае інфармацыйнае
агенцтва “EFE” паведамляе, што пасол Ірана пры Апостальскай Сталіцы Алі Акбар Насэры
паўторна запрасіў папу Бэнэдыкта ХVI наведаць яго краіну. Ён нагадаў, што ўжо ў лістападзе
2010 г. Прэзідэнт Ірана Махмуд Ахмадзінежад запрасіў Папу наведаць гэту заходнеазіяцкую
краіну. “Калі Святы Айцец вырашыць здзейсніць гэтае падарожжа мы яго прымем з вялікім
энтузіязмам”, - сказаў дыпламат. Ён падкрэсліў, што ўжо доўгі час паміж Апостальскай
Сталіцай і Іранам існуюць вельмі адкрытыя і шчырыя адносіны асабліва ў культурнай
і навуковай сферах.
Кардынал Жан Луі Таран, старшыня Папскай рады па міжрэлігійным
дыялогу некаторы час таму наведаў Тэгеран і перадаў пасланне Бэнэдыкта ХVI прэзідэнту
Махмуду Ахмадзінежаду. Нагодай для візіту ватыканскага іерарха стала сёмая сустрэча
паміж Апостальскай Сталіцай і Іранам, якая адбываецца кожныя два гады.