Арцыбіскуп Філоні: абмыцца пакорай, пошукам праўды і глыбокім абнаўленнем
Вечарам 8 лютага,
арцыбіскуп Фернардо Філоні, прэфект Кангрэгацыі Евангелізацыі Народаў, узначаліў св.
Імшу для ўдзельнікаў сімпозіўма “Да аздараўлення і абнаўлення”, які 6-9 лютага праходзіць
у Рыме на тэму укладу Касцёла ў барацьбу з сексуальнымі злачынствамі. У сваёй гаміліі
іерарх звярнуў увагу на глыбокі сэнс святарства, як Божай прылады для клопату аб чалавеку.
Арцыбіскуп Філоні нагадаў словы Бэнэдыкта XVI: “Дзёрскасць Бога, які даверыў самаго
сябе чалавеку, нават ведаючы яго слабасці, з’яўляецца самай вялікая рэччу, якая заключана
ў слове святарства”.
Іерарх падкрэсліў, што аслабленне Касцёла з’яўляецца здрадай
таму заданню, якое было атрымана яго членамі. “Хрысціянскае чуванне не з’яўляецца
бяздзейсным чаканнем. Гэта надзея негледзячы ні на што, а таксама заданне змяняць
гісторыю, - падкрэсліў арцыбіскуп Філоні, - Езус прыйшоў каб перамагчы зло, якое схапіла
і душыць чалавека, спаліць ідалаў, перад якімі кленчыць вялікая частка чалавецтва:
уладу, грошы, поспех, страх, дэпрэсію, эгаізм. Касцёл таксама сустракаецца з гэтымі
спакусамі і ілюзіямі”, - адзначыў іерарх. У заключэнні ён нагадаў, што Папа шмат разоў
заклікаў Касцёл абмыцца пакорай, пошукам праўды і глыбокім абнаўленнем.