Рыа дэ Жанейра: прэзентаваны лагатып Сусветных дзён моладзі 2013 г.
У Рыа-дэ-Жанэйра адбылася
прэзентацыя лагатыпа Сусветных дзён моладзі, якія пройдуць 23-29 ліпеня 2013 г. У
цырымоніі прынялі ўдзел каля 100 біскупаў і членаў арганізацыйнага камітэта форума,
а таксама прадстаўнікі мясцовых уладаў і грамадскасці. Форма лагатыпа нагадвае сэрца,
у цэтры якога знаходзіцца стылізаваная выява знакамітай скульптуры Хрыста Збаўцы –
сімвала Рыа дэ Жанейра. Такое спалучэнне сімвалізуе заклік, каб Езус заняў цэнтральнае
месца ў сэрцы кожнага ўдзельніка мерапрыемства. Распрасцёртыя рукі Збаўцы сімвалізуюць
гасціннасць, а таксама цёплыя абдымкі Хрыста. З левага боку, над выявай Езуса размешчаны
маленькі крыж, які з’яўляецца сімвалам пілігрыма і нагадвае аб тым, што Бразілію часта
называюць зямлёй Святога Крыжа. Колеры лагатыпа таксама маюць пэўнае значэнне: зялёны
– з’яўляецца сімвалам Рыа дэ Жанейра, сіні – узбярэжжа, а жоўты – Бразіліі. Тое, што
цэнтральнае месца ў лагатыпе займае выява скульптуры Хрыста, якая размешчана на гары,
нагадвае аб фрагменце з Евангелля паводле св. Мацвея, у якім Езус прамаўляе словы
“Ідзіце і навучайце ўсе народы”. Гэтыя словы з’яўляюцца дэвізам Сусветных дзён моладзі
2013 г.
Аўтарам лагатыпа з’яўляецца 25-гадовы Густаво Хугуэнін, выпускнік
факультэта графічнага дызайну аднаго з мясцовых універсітэтаў.