Paraqitet stema e DBR-së të Rios 2013. Autori është një i ri brazilian.
Quhet Gustavo Huguenin, 25 vjeçari brazilian, autor i stemës së Ditës Botërore të
Rinisë, Rio-de-Zhanéjro, 2013. Mbrëmë, gjatë një kremtimi në metropolin kariokas,
pranë auditoriumit të ndërtesës me emrin e Gjon Palit II, në distriktin e Glorias,
‘stema’ e DBR-së së ardhshme u paraqit zyrtarisht. I pranishëm, ndërmjet të tjerëve,
edhe kryeipeshkvi i Rio-de-Zhanéjros, imzot Orani João Tempesta. Në mikrofonin tonë,
imzot Tempesta flet për karakteristikat grafike të stemës:
Përgjigje:
- Stema e re e Ditës Botërore të Rinisë, që do të kremtohet në Rio-de-
Zhanéjro harmonizon ngjyrat braziliane: ngjyrën e blertë, të verdhë, të kaltër e të
bardhë – ndërsa në qendër, ka figurën e Shëlbuesit, karakteristike për Rio-de- Zhanéjron
dhe mbarë Brazilin. Dallohet edhe hija e Pan di Zucchero, mal i Rio-de- Zhanéjros;
e edhe një zemër. Është zemra e rinisë. Pastaj, një kryq i vogël, që të kujton se
qendra e Ditës është vetë Krishti.
Pyetje: - Diçka për autorin ….
Përgjigje:
- Është një i ri nga distrikti i Rio-de-Zhanéjros. Patëm shumë propozime
nga mbarë bota, edhe nga Kina… Por, teknikët zgjodhën këtë stemë, ndërmjet shumë vizatimeve
të dërguara nga studentët e grafikës. I riu ka lindur në Kantagalo.
Pyetje:
- Si po shkojnë përgatitjet për Ditën Botërore të Rinisë në Rio-de-Zhanéjro, e
edhe shtegtimi i Kryqit dhe i ikonave nëpër rrugët e Brazilit?
Përgjigje:
- Mirë: në këto ditë, ikona e Zojës dhe Kryqi i Ditës Botërore të Rinisë,
përshkojnë udhët e pafundme të Brazilit me gëzim, me pjesëmarrje të turmave rinore.
Kjo është përgatitje për Ditën e Rinisë, detyrë e të rinjve brazilianë, të cilët duhet
të jenë të bashkuar me Kishën, për të ndërtuar një botë më të mirë.