У Гаване адкрылася выстава з нагоды візіту Бэнэдыкта ХVI
З нагоды апостальскага
падарожжа Бэнэдыкта ХVI на Кубу, якое запланавана на канец сакавіка гэтага года, у
гаванскім “Palacio de los Capitanes Generales” адкрылася адмысловая выстава. Самы
цэнны экспанат на яе прыбыў з Ватыканскіх музеяў. Гэта славутая вокладка для імшала,
якім карыстаўся капелан Хрыстафора Калумба Бартоломео дэлас Хэрас. Гэта старажытны
літургічны твор хрысціянскага мастацтва ў 1935 г. перадаў Ватыканскім музеям аўгустыніянін,
а. Эрнэст Боду.
4 лютага 2012 г., падчас адкрыцця выставы, кс. Нікола Мапэллі,
дырэктар місіянерска-этналагічнага аддзелу Ватыканскіх музеях звярнуў увагу, што “вокладка
з’яўляецца цікавым прыкладам сустрэчы паміж культурамі, і, як мастацкі твор, спрыяе
дыялогу і адзінству паміж людзьмі”. На адкрыцці выставы прысутнічаў таксама арцыбіскуп
Гаванскі кардынал Хаймэ Артэга.