Ipeshkvi Sapës t’i luftojmë me vlera dukuritë negative në shoqërinë tonë shqiptare.
Kisha katolike në Shqipëri dhe sfidat e reja shoqërore në veprimtarinë ungjillëzuese
të saj. Imzot Lucjan Avgustini, ipeshkëv i Sapës, fton që të punohet së bashku për
rivendosjen e vlerave të mirëfillta e kështu të luftohen dukuritë negative në shoqërinë
shqiptare. Realiteti i ri shqiptar, që ka filluar me rënien e regjimit ateist dhe
me rifitimin e lirisë, krahas elementeve e dukurive negative që trashëgoi nga diktatura
komuniste, në kohën e demokracisë ka ndesh në elemente apo në dukuri tjera e të reja
negative, që rrezikojnë shkatërrimin e vlerave të mirëfillta njerëzore, familjare,
etike, kombëtare dhe shpirtërore. Për të ripohuar e rivendosur vlerat e patjetërsueshme
në shoqëri, lypet t’i bashkojmë forcat e të gjithë atyre që e kanë përzemër të mirën
dhe të ardhmen e përbashkët të popullit e të Vendit, pohon ipeshkvi i Sapës. Mbi këto
në mikrofonin e programit shqip të Radio Vatikanit flet ipeshkvi i Sapës imzot
Lucjan Avgustini. Ta dëgjojmë......