Agata, që do të thotë " e mirë", u martirizua kur ishte vetëm 13 vjeç, në vitin 250
nga Kosulli Quinziano, sepse nuk pati pranuar të bëhej gruaja e tij. Kujtohet nga
Kanuni i lashtë i Meshës si shembull virtyti heroik. Bijë e një familjeje fisnike,
me një bukuri të rrallë fizike e shpirtërore, ajo nuk u tremb nga torturat e shërbëtorëve
të Quinzianit, që arritën deri atje, sa t'ia coptonin trupin, duke i prerë edhe gjirin,
siç paraqitet në ikonografi. Ashtu, të coptuar e sollën para Quinzianit i cili, si
e pa se vijonte të përflakej vetëm nga dashuria hyjnore, e hodhi mbi thëngjij të
ndezur, ku buzët e saja të shkrumbuara, pëshpëriten lutjen e fundit, para se t'ia
dorëzonte shpirtin Zotit.Shenjtorja është shumë e nderuar ndër shqiptarët. Emrin e
saj e mbajnë shumë vajza e gra shqiptare në trajtën Age, Agetinë, Tinë, Agi. Age quhej
edhe motra e Nënë Terezës.