ஐரோப்பியக் கிறிஸ்தவர்கள், கிறிஸ்தவத்தின் நேர்மறையான தாக்கத்தை வெளிப்படுத்த அழைப்பு

பிப்.03,2012. ஐரோப்பிய சமுதாயத்தில் கிறிஸ்தவத்தின் நேர்மறையான தாக்கத்தை அக்கண்டத்தின் கிறிஸ்தவர்கள் வெளிப்படுத்துமாறு ஐரோப்பிய ஆயர் பேரவைகள் அவையும், ஐரோப்பிய கிறிஸ்தவ சபைகளின் அவையும் கேட்டுள்ளன.
கிறிஸ்தவ சபைகளுக்கு அறிவு சார்ந்த விவாதங்களில் ஈடுபடுவதற்கு வாய்ப்புக்கள் இருப்பதைச் சுட்டிக் காட்டியுள்ள கிறிஸ்தவ சபைகளின் அவைகள், அவ்விவாதங்களின் போது, கிறிஸ்தவ விசுவாசம் சமுதாயத்திற்குச் செய்யக்கூடிய நன்மைகள் பற்றி எடுத்துக் கூறுமாறு கேட்டுள்ளன.
கடந்த மாத இறுதியில் சுவிட்சர்லாந்து நாட்டின் ஜெனீவாவில் நடைபெற்ற கூட்டத்திற்குப் பின்னர் இவ்வேண்டுகோளை முன்வைத்துள்ளன ஐரோப்பிய கிறிஸ்தவ சபைகள்.