Ոչ Եւս Է Կարտինալ Անթոնի Ժոզէֆ Պէվիլաքուան։

88 տարեկանին՝ ֆիլատելֆիոյ երբեմբի Արքեպիսկոպոս Կարտինալ Անթոնի Ժոզէֆ Պէվիլաքուան անցեալ 1 փետրուարին իր մահկանացուն կնքեց։
Ծիրանաւորին մահով` Կարտինալական Դասը կազմուած կ՛ըլլայ 191 կարտինալներէ որոնցմէ 107-ը Քահանայապետ ընտրելու եւ ընտրուելու իրաւունք ունեցող կարտինալներ են, եւ 84-ը ոչ ընտրող կարտինալներ։
Նշենք որ ասոնց պիտի աւելնան ուրիշ 22 կարտինալներ որոնք յառաջիկայ 18 փետրուարին պիտի ստանան Ծիրանաւորական աստիճան։ Այս վերջիններուն 18-ն ընտրող կարտինալներ են, իսկ 4-ը 80 տարեկանէն վեր որոնք կարելիութիւնը չունին մասնակցելու ընտրական ժողովներուն։
Նշենք որ Կարտինալական դասը բաժնուած է երեք մասերու ։
Եպիսկոպոսական, Քահանայական եւ Սարկաւագային եւ կը նշանակուին Սրբազան Քահանայապետին ազատ կամքով ։
Կարտինալական Դասը կը համագործակցի Սրբազան Քահանայապետին հետ մասնակցելով սովորական եւ արտակարգ ժողովներուն։ Երջանկայիշատակ Պօղոս Զ. Քահանայապետը 21 նոյեմբեր 1970-ին ՜՜ինքնայօժար Գիրով՝՝ հաստատած է թէ ՝՝կարտինալները որոնք կը բոլորեն իրենց 80.րդ տարեդարձը կը դադրին մաս կազմելէ Կարտինալական ընտրող Համահաւաք Դասին եւ այդ առթիւ ալ որոշելով՝ Ընտրական Դասի մասնակցող Կարտինալներու թիւը՝ որպէս 120 ։
Երջանկայիշատակ Յովհաննէս ԻԳ. Քահանայապետը երկու անգամ գումարած է Կարտինալական Ժողովը 1958ին եւ 1962ին ,Պօղոս Զ.ը վեց անգամ, Յովհաննէս Պօղոս Բ.ը ինը անգամ եւ Պենետիկտոս ԺԶ. Սրբազան Քահանայապետը յառաջիկայ 18 փետրուարի ժողովով 4 անգամ գումարած կ՝ըլլայ կարտինալական դասի ընդհանուր Ժողովը։