Індыя: забойцы хрысціян навяртаюцца на хрысціянства
У індыйскім штаце
Арыса, дзе 4 гады таму індуістамі было забіта больш за 100 хрысціян, здзейснена нападаў
на каля 300 касцёлаў і больш за 6 тыс. дамоў, сёння былыя забойцы навяртаюцца на хрысціянскую
веру. Яны просяць хросту і кожны тыдзень прымаюць удзел у св. Імшах. Карцік Бэхра,
які падчас пагромаў захоўваў асабістыя рэчы хрысціян, дзякуючы сведчанню апошніх,
сам вырашыў стаць хрысціянінам разам з усёй сям’ёй. Ён паведаміў, што многія з тых,
хто прымаў удзел у пагромах, цяпер рэгулярна прыходзяць у касцёл.
Хрысціяне
ў Арыса пасля крывавых пераследаў сталі яшчэ больш руплівымі ў вызнаванні сваёй веры.
І хоць ім ўсё яшчэ пагражае смерць, яны ўдзельнічаюць у набажэнствах. Такое стаўленне
моцна ўздзейнічае на экстрэмістаў, якія зараз просяць прабачэння за здзейсненыя злачынствы.
Кс. Прадхан, былы рэктар семінарыі ў Баллігуда, каментуючы гэтыя шматлікія і незвычайныя
навяртанні, нагадвае словы Тэртуліяна: “кроў мучанікаў – гэта насенне вызнаўцаў Хрыста”.