Папа здзейсніў некалькі важных прызначэнняў у Касцёле
31 студзеня Святы Айцец здзейсніў шэраг важных прызначэнняў у Касцёле. Патрыярхам
Венецыі Яго Святасць прызначыў біскупа Франчэска Моралью, які да гэтага часу з’яўляўся
біскупам Ла Спецыі-Сарцана-Бруньято. Новапрызначаны Патрыярх нарадзіўся ў Генуі ў
1953 г. Там жа ў 1977г. атрымаў святарскае пасвячэнне. У Папскім універсітэце Урбаньяна
здабыў у 1981 г. ступень доктара тэалогіі. Затым займаўся навуковай дзейнасцю як выкладчык.
Ад 6 снежня 2007 г. з’яўляўся пастырам дыяцэзіі Ла Спецыя-Сарцана-Бруньято.
Віцэрэгентам
Рымскай дыяцэзіі Святы Айцец прызначыў біскупа Філіппо Іаноннэ, які да гэтага часу
з’яўляўся пастырам дыяцэзіі Сора-Аквіно-Понтэкорво. Іерарх нарадзіўся ў італьянскім
Неапалі ў 1957 г. У 1977 г. уступіў у Ордэн Кармелітаў. Абараніў доктарскую дысертацыю
ў Папскім Латэранскім універсітэце ў галіне кананічнага права. Працаваў у Рымскай
Роце.У 2001 г. быў прызначаны дапаможным біскупам Неапальскай архідыяцэзіі, а ў 2009
г. –біскупам дыяцэзіі Сора-Аквіно-Понтэкорво.
Пантыфік прызначыў таксама двух
дапаможных біскупаў Рымскай дыяцэзіі. Імі сталі кс. прэлат Матэо Марыя Цуппі і кс.
прэлат Лорэнцо Леуццы. Таксама Братыслаўская архідыяцэзія ў Славакіі атрымала новага
дапаможнага біскупа ў асобе кс. прэлата Ёзэфа Галко.
Святы Айцец прыняў сёння
адстаўку дапаможнага біскупа Катавіцкай дыяцэзіі ў Польшчы Герарда Бернацкага.