Papa emëroi Patrik të ri të Venedikut (Itali) ipeshkvin imzot Francesco Moraglia
Benedikti XVI emëroi sot Patrik të ri të Venedikut (Itali) shkëlqesinë e tij imzot
Francesco Moraglia, deri më tani ipeshkëv i La Spezia-Sarzana-Brugnato. Patriku i
ri i Venedikut ka lindur në Gjenova më 25 maj 1953. Është shuguruar meshtar më 29
qershor 1977, ndërsa është shuguruar ipeshkëv më 3 shkurt 2008. Është president i
Këshillit të Administratës së fondacionit “Komunikimi e Kultura” dhe Këshilltar i
Kongregatës së Vatikanit për Klerin. Profesor i teologjisë dogmatike pranë Fakultetit
Teologjik të Italisë Veriore e drejtor i Institutit të Shkencave Fetare Ligure.