Kriza greke: nuk zhvillohen bisedimet qeveri-trojkë evropiane
Minutin e fundit nuk u zhvillua mbledhja e programuar ndërmjet ministrit grek të punës,
Kotrumanis dhe përfaqëuesve të Trojkës FMN-BE-BQE. Takimi duhej të zgjidhte tri çështje:
ndryshimet në kontratën kombëtare të punës, uljen e pagesës minimale të garantuar
dhe heqjen e pagës së 13-të e të 14-të në sektorin privat. Ndoshta, mbledhja do të
bëhet të enjten. Dje, krerët e Bashkimit Evropian arritën një marrëveshje mbi
të gjitha rregullat e reja të Paktit të Bilancit (Fiscal Compact), por nuk u morën
vesh për mënyrën e shpëtimit të Greqisë, e cila po shkon ngadalë drejt falimentimit.
27 vendet anëtare nënshkruan dokumentin e fondit të ri për shpëtimin e shteteve, por
nga Pakti u larguan Britania e Madhe dhe Republika Çeke.