Германія: новая спецыяльнасць “тэалогія і эканоміка”
У германскай сістэме вышэйшай адукацыі з’явілася новая спецыяльнасць “тэалогія і эканоміка”.
Эрфурцкі ўніверсітэт адкрывае навучанне па праграме гэтага курса з пачаткам зімовага
семестра 2012-13, паведамляе сайт навучальнай установы. Праграма новай спецыяльнасці
накіравана на падвойную кваліфікацыю ў галіне тэалогіі і эканомікі. Яна рэалізуецца
сумеснымі намаганнямі каталіцкага тэалагічнага і дзяржавазнаўчага факультэтаў універсітэта
Эрфурта. Па заканчэнні курса прысвойваецца ступень бакалаўра або магістра. Тыя, хто
атрымае ступені ў “тэалогіі і эканомікі” будуць працаваць у хрысціянскіх рэлігійных
і грамадскіх арганізацыях і займацца аналізам і распрацоўкай стратэгій і канцэпцый
бізнесу на фоне рынкавай эканомікі і грамадскага ладу Германіі. Дыплом магістра дазволіць
выконваць адміністрацыйна-кіраўнічыя функцыі ў цэрквах, хрысціянскіх дабрачынных арганізацыях,
некамерцыйных структурах.