Арцыбіскуп Фізікелла: адзінства Еўропы не без каштоўнасцяў і веры
Арцыбіскуп Рыно Фізікелла, старшыня Папскай рады па новай евангелізацыі, бачыць у
Еўропе “беспрэцэдэнтны крызіс веры”. Імкнучыся да адзінства Еўропы, не трэба ставіць
акцэнт выключна на эканоміцы і фінансах, заявіў ватыканскі іерарх у мінулыя выходныя
ў Франкфурцкім кайзерскім палацы. Паводле яго, тыя, хто пакідаюць у баку хрысціянскую
веру і этычныя каштоўнасці, шкодзяць праекту еўрапейскага адзінства.
На пачатку
св. Імшы ў франкфурцкім катэдральным касцёле біскуп Лімбурга Франц-Петэр Тэбарц ван
Эльст заявіў, што мясцовая катэдра з’яўляецца сімвалам прысутнасці веры ў мінулым
і сучаснасці. У той жа час біскуп звярнуў увагу на духоўную “бяздомнасць” многіх людзей.
Ім Касцёл павінен даць надзею і сілы.
Так званая Імша за Карла, аздобленая
лацінскімі спевамі і малітвамі, адпраўляецца з 1332 г. у дзень смерці кайзера Карла
Вялікага.