Апостальская Сталіца-Ізраіль: прагрэс у вырашэнні фінансавых пытанняў
Заля Друку Апостальскай Сталіцы апублікавала паведамленне аб выніках пленарнай сесіі
друхбаковай Камісіі Апостальскай Сталіцы і Ізраіля, якая прайшла ў Іерусаліме 26 студзеня
2012 г. на тэму эканамічных і падатковых пытанняў. Кіравалі працамі пасяджэння арцыбіскуп
Этторэ Балестрэро, падсакратар па адносінах з дзяржавамі Дзяржсакратарыяту і Дэнні
Аялон, віцэ-міністр міжнародных спраў Ізраіля. У цэнтры ўвагі удзельнікаў сустрэчы
былі пытанні, якія датычаць юрыдычнага статуса маёмасці Каталіцкага Касцёла ў Ізраілі,
а таксама гаспадарчай дзейнасці каталіцкіх супольнасцяў у Святой Зямлі. Ужо на працягу
доўгага часу Апостальская Сталіца просіць аб вызваленні ад падаткаў касцёльныя установы.
Перамовы на гэту тэму працягваюцца з 2004 г.
Як адзначаецца ў паведамленні
Апостальскай Сталіцы сустрэча прайшла ў “адкрытай, сяброўскай і канструктыўнай атмасферы”
і “адзначылася прагрэсам у важных пытаннях”. “Бакі дамовіліся аб будучых кроках па
заключэнні пагаднення”, - гаворыцца ў паведамленні Залі Друку і адзначаецца, што наступная
пленарная сесія Камісіі пройдзе 11 чэрвеня 2012 г. у Ватыкане.