“L’Osservatore Romano” аб стане адносін з пратэстантамі
У сённяшняй “L’Osservatore Romnano” супрацоўнік Папскай рады спрыяння хрысціянскаму
адзінству кс. Грэгоры Файрбэнкс піша аб стане дыялогу паміж католікамі і пратэстантамі.
Ён адзначае, што ў 2011 г. працягваўся плённы дыялог з лютэранамі, кальвіністамі,
баптыстамі, анабаптыстамі і іншымі хрысціянскімі супольнасцямі, такімі як Армія Збаўлення.
Дыялог з кальвіністамі датычыць прысутнасці Хрыста ў Касцёле і свеце, а таксама разумення
Касцёла як супольнасці. З анабаптыстамі Папская рада ў гэтым годзе будзе весці дыялог
на тэму хросту дзяцей і дарослых. Агульная мэта дыялогу з баптыстамі – стварыць сумесную
базу для вывучэння Святога Пісання.
Кс. Файрбэнкс звяртае ўвагу, што Арміяй
Збаўлення, прысутная ў 121 краінах свету, не прызнае ніводнага сакрамэнту. Апостальская
Сталіца вядзе з гэтай супольнасцю нефармальны дыялог з 2007 г. У 2011 г. адбылася
сустрэча на тэму святасці, а ў бягучым годзе адбудуцца сумесныя размовы аб падыходзе
да місій і некаторых тэалагічных пытанняў.
“Усе гэтыя сустрэчы сведчаць аб
пошуку Каталіцкім Касцёлам разам з іншымі Цэрквамі і хрысціянскімі супольнасцямі поўнага
адзінства”, - заключае ў сваім артыкуле кс. Грэгоры Файрбэнкс.