Пастыр Леонскай архідыяцэзіі
ў Мексіцы Хосэ Марцін Рабага, старшыня біскупскай канферэнцыі Мексікі, апублікаваў
спецыяльнае пасланне аб падрыхтоўцы да візіту Папы ў сакавіку 2012 г. Іерарх піша,
што падзея стане самай значнай з моманту пачатку евангелізацыі Амерыкі. Арцыбіскуп
паведамляе, што для больш грунтоўнай падрыхтоўкі былі выдадзены катэхетычныя і малітоўныя
матэрыялы, створана спецыяльная інтэрнэт-старонка.
Арцыбіскуп Леонскі тлумачыць
арганізацыйныя пытанні, якія датычаць атрымання білетаў на папскія цырымоніі, стварэння
валанцёрскіх груп, у якія павінны ўвайсці 25 000 чалавек. Арцыбіскуп Рабага запрашае
ўсіх вернікаў краіны спалучыцца ў малітве ў інтэнцыі плённага візіту Бэнэдыкта XVI
у Мексіку і на Кубу.