Кардынал Баньяско: італьянскія партыі няздольныя да рэформы
Старшыня італьянскай біскупскай канферэнцыі кардынал Анджэло Баньяско абвінаваціў
палітычныя партый краіны ў няздольнасці правядзення тэрміновых рэформ. Партыі зацягвалі
рэформы да таго часу, пакуль, нарэшце, Італія не апынулася ў надзвычайным становішчы,
заявіў іерарх 23 студзеня вечарам у сваім выступленні на адкрыцці пасяджэння Пастаяннай
рады Канферэнцыі Біскупаў.
Італьянскі палітычны клас не змог адкрыта гаварыць
са сваімі ўласнымі грамадзянамі аб эканамічнай сітуацыі ў краіне, падкрэсліў кардынал.
З’явіўся новы ўрад, які ўзначаліла асоба, якая знаходзіцца за межамі ўнутрыпартыйнай
палітыкі. Аднак існаванне новага ўраду на чале з прэм’ер-міністрам Марыё Монці, не
вызваляе партыі ад іх палітычнай адказнасці. Яны павінны садзейнічаць рэфармаванню
і не ўпадаць у ролю гледача, падкрэсліў арцыбіскуп Генуі.