Жэнева: экуменічная дыскусія аб сацыяльных праблемах Еўропы
26-28 студзеня у Жэневе пройдзе сустрэча Сумеснага камітэта Канферэнцыі Еўрапейскіх
Цэркваў і Рады Біскупскіх Канферэнцый Еўропы. У цэнтры ўвагі ўдзельнікаў мерапрыемства
будзе тэма “Новыя выклікі для сведчання Цэркваў ў Еўропе”. Акрамя шматлікіх іерархаў
і рэлігійных дзеячаў у форуме прымуць удзел вядомыя еўрапейскія эксперты ў галіне
дэмаграфічных, палітычных і эканамічных праблем, якія паразважаюць аб гэтых выкліках
у культурным і духоўным кантэксце. Яны паспрабуюць знайсці тэалагічныя і практычныя
адказы на існуючую сітуацыю ў святле свайго вопыта і кампетэнцый. Падчас форума будуць
таксама абмяркоўвацца праблемы цыган і перспектывы развіцця дыялога з мусульманамі.
27 студзеня ўдзельнікі мерапрыемства сустрэнуцца ў арцыбіскупам Сільвано Тамазі,
пастанным назіральнікам Апостальскай Сталіцы пры ААН у Жэневе.
Канферэнцыя
Еўрапейскіх Цэркваў была заснавана ў 1959 г. і на сённяшні дзень аб’ядноўвае 120 рэлігійных
супольнасцяў розных хрысціянскіх канфесій і напрамкаў. Рада Біскупскіх Канферэнцый
Еўропы — міжнародны, еўрапейскі орган, які рэалізуе душпастырскія праграмы Касцёла
разам з Апостальскай Сталіцай. Яна была створана ў 1971 г. Старшынёй Рады з’яўляецца
арцыбіскуп Эстэргом-Будапешскі кардынал Пэтэр Эрдо.