Амерыканскі іерарх: кожны дасць справаздачу з даверанай яму свабоды
22 студзеня ў Джорджтаўнскім універсітэце ў ЗША прайшла ХІІІ канферэнцыя памяці кардынала
О’Конара, прысвечаная праблемам звязаным з абаронай жыцця. У цэнтры ўвагі шматлікіх
экспертаў, навукоўцаў, каталіцкіх актывістаў, а таксама іерархаў Касцёла была высокая
колькасць забойстваў ненароджаных дзяцей з асаблівасцямі развіцця. Паводле статыстычных
дадзеных у ЗША забіваецца 80% ненароджаных дзяцей з сіндромам Даўна, які выяўляецца
дзякуючы прынатарыяльнай дыягностыцы. На форуме з дакладам выступіў арцыбіскуп Філадэльфійскі
Чарльз Чапут, які падкрэсліў, што нажаль, з боку медыцынскіх работнікаў расце тэндэнцыя
падкрэслівання цяжкасцяў звязаных з наяўнасцю ў дзіцяці сіндрома Даўна.
“Бацькі
і ўрачы павінны быць рэалістамі адносна цяжкасцяў, якія нясе з сабой клопат аб дзіцяці
з асаблівасцямі развіцця. Гэтыя цяжкасці ўключаюць у сябе таксама пэўную ступень пакутаў.
Аднак, яны павінны таксама бацыць патэнцыял і прыгажосць такіх дзяцей, а таксама памятаць,
што не адзін чалавек не з’яўляецца дасканалым”, - сказаў Арцыбіскуп Чапут. Іерарх
адзначыў, што “прымаючы такое дзіця, бацькі робяць выбар паміж любоўю і нелюбоўю,
адвагай і баязлівасцю, даверам і страхам”. “Гэты выбар неабходна прымаць як на індывідуальным
узроўні, так і на грамадскім”, - сказаў арцыбіскуп і падкрэсліў, што кожны чалавек
“павінен будзе даць справаздачу з таго, якім чынам ён выкарыстаў сваю свабоду”.
Амерыканскі
іерарх адзначыў, што без фундамента веры і маральных каштоўнасцяў Амерыка становіцца
“чужой і варожай” яе першапачатковым ідэалам. Гэта пагроза, на думку арцыбіскупа Чапута,
яскрава выяўляецца ў адносінах да бедных, хворых і людзей з асаблівасцямі развіцця.
Іерарх высока ацаніў працу людзей і арганізацый, якія займаюцца спрыяннем абароне
жыцця і кажуць аб тым, што людзі з асаблівасцямі развіцця “вучаць нас большай бескарыснай
любові”.