Papa: bashkimi i të krishterëve nis në ndryshimin e çdonjërit
Sot gjatë lutjes së Engjëllit të Tënzot, në Javën e lutjes për bashkimin e të krishterëve,
Papa nxiti besimtarët dhe të krishterët të përforcojnë çdo ditë angazhimin e tyre
personal ekumenik. “Kërkimi i bashkimit ndërmjet të krishterëve mund të çohet përpara
konkretisht e realisht nëse ndryshimi ndodhë së pari brenda nesh”. Kështu pohoi Papa
Benedikti XVI në fjalimin e shkurt që paraprini lutjen e Engjëllit të Tënzot sot në
mes ditë në sheshin e Shën Pjetrit në Vatikan. Ati i Shenjtë Ratcinger kujtoi se në
mbarë botë është duke u kremtuar Java e Lutjes për Bashkimin e të krishterëve me temën
“Të gjithë do të shndërrohemi nga fitorja e Jezu Krishtit, Zoti tonë”. Për Benediktin
XVI bashkimi i të krishterëve bëhet i mundshëm “nëse lejojmë veprimin e Zotit, nëse
lejojmë të shndërrohemi në shëmbëllimin e Krishtit, nëse hyjmë në jetën e re në Krishtin,
ai që është fitorja e vërtet”. “Bashkimi i dukshëm i të gjithë të krishterëve – shpjegoi
Papa – gjithmonë është vepër që vjen nga lartë, vjen nga Zoti, vepër që kërkon përvujtëri
për të pranuar dobësinë tonë e për të pranuar dhuratën”, që na ofron Hyji. Lidhur
me këtë, Papa deshi të përdorte “një shprehje që përsëriste shpesh i Lumi Gjon Pali
II: ‘çdo dhuratë bëhet edhe angazhim’. Bashkimi që vjenn nga Zoti – theksoi Papa Jozef
Ratcinger – kërkon angazhimin tonë të përditshëm të hapjes njëri ndaj tjetrit në dashuri
e dashamirësi”. “Koha që ia kushtojmë lutjes për bashkimin e plotë të dishepujve të
Krishtit na mundëson ta kuptojmë më thellë se si do të shndërrohemi nga fitorja e
tij, nga fuqia e ngjalljes së tij”.