Սարքոզիի Նամակը՝ Էրտողանին։ Գիտեմ՝ Բարդ է Ընդունիլ Պատմութեան Ընթացքին Եղածը...
Ֆրանսայի նախագահ Նիքոլա Սարքոզի՝ երկրի խորհդարանի վերին պալատի Հայոց Ցեղասպանութիւնը
քրէականացնող օրինագիծին քննարկման նախօրէին՝ նամակ յղած է(20 Յունուար) Թուրքիոյ վարչապետ
Ռեճեփ Թայիփ Էրտողանին: «Յարգելի վարչապետ: Նախ, կը փափաքիմ տեղեկացնել, որ օրինագիծի
իրական նպատակը ֆրանսական հասարակութեան մէջ երկար տարիներ առկայ ժխտման զգացողութենէն
ազատիլն է ու 100ամեայ վէրքերը բուժելն է: Նախագիծի գրութեան մէջ չի նշուիր որեւէ
պետութիւն կամ ժողովուրդ: Մենք նաեւ շատ լաւ կը հասկնանք, թէ ինչ ցաւ ապրած է թուրք ազգը
Առաջին համաշխարհային պատերազմին եւ Օսմանեան կայսրութեան կործանման հետեւանքով: Գիտեմ,
որ բարդ է ընդունիլ պատմութեան ընթացքին եղածը: Սակայն, Ֆրանսա ընդունած է շատ դառն ճշմարտութիւն
մը` իր մասնակցութիւնը ստրուկներու առեւտուրին, ինչպէս նաեւ Երկրորդ համաշխարհային պատերազմի
ընթացքին երկրի մէջ բնակող հրէաները`գերմանական կեդրոնացման ճամբարներ ուղղարկելը :
Ես 2007ին Ալճերիոյ մէջ խոստովանած եմ այն ողջ սարսափը, որ թոյլ տուած է ֆրանսական գաղութատիրութիւնը
Ալճերիոյ մէջ: Թուրքիան մեծ երկիր է եւ կարեւոր գործընկեր Ֆրանսայի համար: Կը մաղթեմ
մեզի` ինչպէս երկու բարեկամի ու դաշնակիցի, յենուիլ բանականութեան վրայ: Կը փափաքիմ,
որ տեղեկացուած ըլլաք, որ այս օրէնքին հետ առնչուած աւելորդ քայլերը վնաս կը հասցնեն
երկու երկիրներու բազմակողմանի յարաբերութիւններուն եւ անոր պատասխանատւութիւնը կ’իյնայ
այդ քայլերը կատարողներու ուսերուն»,( ըսուած է ֆրանսայի Նախագահի նամակին մէջ) :