Վատիկանի Արտգործ Նախարարին Այցելութիւնը Սենեկալ, Դիւանագիտական Կապերու Ստորագրութեան
50-րդ Տարեդարձին Առթիւ։
Գերապայծառ Մամպերթի` Վատիկանի արտգործ նախարարը, ներկայիս Սենեկալ կը գտնուի տօնախմբելու՝ Վատիկան-Սենեկալ դիւանագիտական կապերու հաստատման 50րդ տարեդարձին առիթով։
Վատիկանի արտգործ նախարարը, տեղական մամուլին հետ ունեցած՝ ելոյթին ընթացքին, իր գոհունակութիւնը յայտնած է, ի տես երկու պետութիւններու գոհացուցիչ կապերուն։
Ան մասնաւորապէս մատնանշած է թէ՝ Վատիկանի ու Սենեկալի միջեւ կապերը ունին որպէս հիմ՝ ՜՜երկխօսութիւնը մշակոյթներու եւ կրօններու՝՝ եւ միաժամանակ գնահատած է տեղւոյն կաթողիկէ եկեղեցւոյ տարած աշխատանքը հայող դաստիարակութեան, առողջապահութեան ու մարդկային զարգացումին։
Սենեկալ կեցութեան ընթացքին, գերապայծառ Մամպերթի տեսակցութիւն ունեցաւ հանրապետութեան նախագահին եւ արտգործ նախարարին հետ։
Այս վերջինը յայտարարած է որ իր երկիրը պատրաստ է ընդունելու Պենետիկտոս ԺԶ Սրբազան Քահանայապետը։
Երջանկայիշատակ Յովհաննէս Պօղոս Բ Քահանայապետը, ըսած է ան, մեր երկիրը այցելելով՝ ժողովուրդին հաղորդեց խաղաղութեան, զօրակցութեան եւ հաշտութեան պատգամները։։
| All the contents on this site are copyrighted ©. |