Святы Айцец прызначыў новага вікарыя Патрыярха Іерусалімскага ў Іарданіі
19 студзеня Святы Айцец прыняў адстаўку дапаможнага біскупа і вікарыя Патрыярха Іерусалімскага
для католікаў лацінскага абраду ў Іарданіі біскупа Саліма Саега, у адпаведнасці з
канонам 411 Кодэкса кананічнага права. Іерарх займаў пасаду з 1982 г., біскупскае
пасвячэнне атрымаў ў 1981 г. з рук бл. Яна Паўла ІІ. Заля Друку паведаміла таксама,
што Бэнэдыкт XVI прызначыў новага дапаможнага біскупа і вікарыя Патрыярха Іерусалімскага
для католікаў лацінскага абраду ў Іарданіі. Ім стаў біскуп Марун Эліяс Лахам. Святы
Айцец перанёс таксама арцыбіскупскую сталіцу з Тунісу ў Медабу і прызначыў іерарха
арцыбіскупам “ad personam”.
Марун Эліяс Лахам нарадзіўся ў Іарданіі ў 1948
г. Святарскае пасвячэнне прыняў 24 чэрвеня 1972 г. і выконваў душпастырскія абавязкі
ў Патрыяршай дыяцэзіі ў Іерусаліме. Мае тытул доктара пастырскай тэалогіі. У 1993
г. быў прызначаны рэктарам духоўнай семінарыі ў Бейт Джала. 8 верасня 2005 г. быў
абраны Біскупам Тунісу і 2 кастрычніка атрымаў біскупскае пасвячэнне. 22 мая 2010
г. атрымаў годнасць Арцыбіскупа Тунісу.