Стан здароўя двух святароў, выкрадзеных у Паўднёвым Судане, добры, паведамляе агенцтва
“Fides”, спасылаючыся на крыніцы ў Хартумскай архідыяцэзіі. Гаворка ідзе аб кс. Джозафе
Маквэі і кс. Сільвестры Могге, якіх выкралі невядомыя 15 студзеня. Рабаўнікі ўварваліся
на тэрыторыю парафіі св. Жозэфіны Бакхіты ў Рабаку, мястэчку ў 260 км ад Хартума,
сілай захапалі святароў і адвезлі іх у невядомым накірунку. Акрамя таго злодзеі забралі
каштоўныя рэчы і кампутарнае абсталяванне.
Тымі, хто выкраў святароў, з’яўляюцца
члены вайсковай арганізацыі “Шылук”, якая змагаецца супраць ураду Паўднёвага Судана
і карыстаецца падтрымкай ўрада Паўночнага Судана. Як паведамляе агенцтва “Fides”,
кантакт з рабаўнікамі быў устаноўлены і яны паабяцалі вызваліць святароў яшчэ вечарам
18 студзеня. Сёння ў Хартуме прыйшло спецыяльнае пасяджэнне, падчас якога было вырашана
накіраваць дэлегацыю на перамовы з выкрадальнікамі.