Հրանդ Տինքի Սպաննութեամբ Միայն Գլխաւոր Մեղադրեալը Ցմահ Բանտարկութեան Կ՝ենթարկուի։
՝՝Այսքան Մեծ Հեգնանք Մը Չէինք Սպասէր՝՝ կ՝ըսէ Փաստաբան ֆեթհիէ Չեթին։
Պոլսոյ առաջին ատեանի 14-րդ դատարանը «Ակօս» թերթի հիմնադիր եւ խմբագրապետ Հրանդ Տինքի
գործով ցմահ բանտարկութեան դատապարտած է միայն գլխաւոր մեղադրեալ Եասին Հայալ-ը։
Հրանդ Տինքի ընտանիքի փաստաբան Ֆեթհիէ Չեթին քննադատած է դատարանի վճիռը` ըսելով,
որ անիկա կը նշանակէ, որ «քաղաքական սպանութիւններու պետական աւանդութիւն»-ը միտումնաւոր
կերպով անփոփոխ մնաց, քանի որ ան չ՛առնչուիր 2007-ի Տինքի սպանութեան պետութեան ներգրաւման
վերաբերեալ մեղադրանքներուն: «Հինգ տարի տեւած դատական հոլովոյթին ընթացքին անոնք
հեգնեցին մեզ: Մենք չէինք սպասեր, որ անոնք մեծագոյն կատակը կը ձգէին վերջին պահուան
համար» (ըսած է փաստաբանուհին դատարանի վճիռը յայտարարուելէն ետք) : «Այս վճիռը կը
նշանակէ, որ սովորութիւն մը անփոփոխ մնաց ՝՝քաղաքական սպանութիւններու պետական աւանդութիւնը՝՝
որ խտրականութիւն կը դնէ իր քաղաքացիներուն միջեւ եւ զիրենք կը վերածէ թշնամիներու»
աւելցուցած է Չեթին: Հրանդ Տինքի ընտանիքի փաստաբանը նաեւ խոստացած է օգտագործել դատական
բոլոր կարելի միջոցները ընդդէմ դատարանի վճիռին` վստահեցնելով, որ առաջին ատեանի դատարանի
այս վճիռը Տինքի գործի միայն սկզբնական փուլն է: Վճիռի աւարտին բազմահազար հոգիներէ
բաղկացած մեծ թափօր մը Պոլսոյ կեդրոնական Թաքսիմ հրապարակէն մեկնելով յետիոտն գացած
է ԱԿՕՍ-ի Խմբագրատունը ուր Հրանդ Տինք սպաննուեցաւ շէնքին ճիշդ առջեւը 19 յունուար
2007-ին: